汤洛雯妈妈 TVB罗天宇汤洛雯《爱回家》4年情终分手!
前排汤洛雯IG po相就话要「took a deep breath and let it go」,粉丝即刻就问女神发生羊事系咪唔开心,能够令女人唔开心通常都系因为感情事,近排靓汤出活动提起男友罗天宇,都因为工作太忙,大家都系send message好少见面,唔通感情亮起红灯?就系因为呢个线索,竟然惊揭罗天宇同汤洛雯4年情断,仲要原来已经分左手4个月,真系不得不佩服大家咁强嘅摩擦力。
汤洛雯同罗天宇真系分手了。
虽然盛传就系因为陈滢介入,但罗天宇先解释大家系和平分手嘅,唔关陈滢事,之后汤洛雯亦喺IG公佈分手,原因就唔讲,但就唔关第三未事。但网民就唔太收货,事关罗天宇个Record太花,前女友历史辉煌,仲好睇过《爱.回家》入面个马子仁。
先讲第一个大家有印象嘅Coffee林芊妤,传闻就系罗天宇嘅初恋,但可惜就发生左残厕Gathering事件,搞到满城风雨,之后仲要有「朋友」报料将Coffee同罗天宇嘅亲热照唔小心流出,吓到罗天宇鼻哥窿都冇肉,虽然Coffee就发晒誓话:「我唔系做新闻搏上位嘅人,啲相系我朋友放上去……。」但真相系点真系冇人知,淨系知呢段恋情就无疾而终。
罗天宇同coffee嘅亲密照流出,到而家都冇人知系边个放料出嚟。(网上图片)
之后就应该数到苟芸慧,传闻苟姑娘最深得罗妈妈欢心,两个人相差成4年,系姊弟恋,大家都唔太睇好佢的,听讲仲话因为苟姑娘同罗天宇都系基督徒,两个人「同居不同床」,导致最后分手收场。有报导指苟姑娘一直都想复合,仲行「奶奶政策」,时不时都搵罗妈妈谈心,可惜罗天宇就分手要狠,头也不回就走左。
苟芸慧和陆汉洋正式公开恋情,单是影这张十指紧扣合照,都影了接近两分钟。
罗天宇同蒋家旻成日出双入对,唔知仲以为拍紧拖。
罗天宇拍《爱.回家》同入面做佢阿妹嘅蒋家旻走得好近,两个就好似孖公仔咁出双入对,唔知仲以为佢的拍紧拖,传左好耐但佢两个人都冇认到,观众就一于懒理,当「马子仁」、「马子妮」已经一齐左,仲几buy佢的。
最Update嘅女友就梗系今日公佈分手嘅汤洛雯,两个人同样都系拍《爱‧回家》而挞著,但因为之前罗天宇曝光嘅恋情都冇好结果,佢的就地下情左3年,到上年10月终于公开,点知都仲系见光死,儘管靓汤漏过口风话想结婚,但都敌不过命运,罗天宇都系整定做娱乐圈浪子,一隻冇脚嘅雀仔。
![汤玉麟妻子 [名人故居] 汤玉麟天津故居](https://pic.bilezu.com/upload/f/1a/f1aeb399cc50b31577ed0a122abc18e6_thumb.jpg)
![>汤玉麟故居 [名人故居] 汤玉麟天津故居](https://pic.bilezu.com/upload/a/dd/adda0be7be3e06a835e0ba812e8ec6c9_thumb.jpg)
