麦浚龙黄伟文《罗生门》大结局《雷克雅未克》完整版

2018-04-17

字体:

大中小

浏览:

文章简介：前情提要:十年前,<耿耿于怀>,麦浚龙(Juno)认识到新女友,但是还挂念爱看少女漫画的前度;十年后,<念念不忘>,Juno明明同新欢一齐,但就是每晚发梦还挂念前度.谁知,一首<罗生门>,前度谢安琪(Kay)叫他别发梦,自己已经没看漫画,亦没钟意过哈囉吉蒂,"那动人时光,不用常回看".万众期待的Juno三部曲大结局,<雷克雅未克>终于出街,在冰岛首都一家团聚.除了Juno,原来还同之前唱外传<瑕疵>,扮演Juno现任女友的莫文

前情提要:十年前,《耿耿于怀》,麦浚龙(Juno)认识到新女友,但是还挂念爱看少女漫画的前度;十年后,《念念不忘》,Juno明明同新欢一齐,但就是每晚发梦还挂念前度。谁知,一首《罗生门》,前度谢安琪(Kay)叫他别发梦,自己已经没看漫画,亦没钟意过哈囉吉蒂,“那动人时光,不用常回看”。

万众期待的Juno三部曲大结局,《雷克雅未克》终于出街,在冰岛首都一家团聚。

除了Juno,原来还同之前唱外传《瑕疵》,扮演Juno现任女友的莫文蔚(Karen)有关。

15年前,黄伟文为Karen写了首《北极光》,她就是当年Juno“刚识到的她”囉,可惜Juno对阿Kay念念不忘,Karen又对Juno耿耿于怀;只是估不到Karen原来多年前已经去冰岛等一个他;Juno又碰巧希望同第二个如期团聚于冰岛某地方。

最后周国贤出现在福岛,交代Juno这种痴情汉全世界都有。

作词人黄伟文接受访问,提到这首歌说:“第一,Juno同谢安琪呢段关系,之前三首歌已经讲咗,呢只歌写到结尾,如果唔摆莫文蔚上去,佢好似变咗配角,其实佢系正印,所以想摆番莫文蔚落去,故仔最后拣冰岛首都雷克雅未克,可以包番莫文蔚入去,因为2000年我帮莫文蔚写《北极光》,我可以通过呢首歌,安排Juno去雷克雅未克谢安琪时,其实莫文蔚都去咗,所以呢个系拣冰岛原因,将千丝万缕拉埋一齐,咁样完满啲。

”

Wyman继续解释:“第二点,点解最后会有周国贤出场,其实想交代Juno呢种痴情汉全世界都有,唔系得Juno,可能转咗人选、地点,但情怀一样,所以先揾另一个人——周国贤,另一个地点——福岛讲呢个故事,所以佢喺另一个地点出场,有少少感觉好似《阿飞正传》嘅梁朝伟,佢哋都明白我想讲呢样嘢,我发现一样嘢好有趣,佢哋专登用一把好似嘅声录呢首歌,难分难解近乎一样,佢哋理解歌词后,声音有设计,所以好得意,首歌第一次听分唔到边个Juno边个Endy。

”

“第三点,当《雷克雅未克》歌名出来之后,有歌手打畀我呷醋同诈型,个歌手叫王菀之,其实系我唔好,我同王菀之都好钟意雷克雅未克呢个地方,我哋去过亦好钟意,有次我哋倾偈,我话帮佢写首歌叫《雷克雅未克》关于冰岛,难得成个乐坛得我同你钟意冰岛呢个地方,当时都未知Juno都好钟意呢个地方,当王菀之知道我用呢个歌名,佢就打电话嚟诈型:‘喂!

你又话留返畀我嘅,搞错呀!’自己系讲过留番畀佢,但呢个情况之下,好适合摆雷克雅未克喺呢只歌嘅结尾,自己20几年嚟唯一一次反悔,真系对佢好唔好意思,欠佢一首好歌,赔番三首歌畀佢,起钉同利叠利先令皇后息怒。”

之前周国贤接受访问,说自己只是唱最尾几句,感觉似《阿飞正传》的梁朝伟,最后出来梳个头:“Juno叫我写呢首歌嘅时候,佢话唔要一首好 standard嘅歌,叫我畀一首好癫嘅歌佢,佢话要好浪漫好多旋律,之后我send咗demo畀佢,但佢都嫌唔够劲,佢话要再癫啲,我就大解放将毕生功力攞入歌里面,出嚟超难唱,好似新浪漫古典音乐,好高音好长冇重复,好似歌剧嘅女高音,所以有冰岛感觉。

唔可以形容系流行曲,根本系艺术品,我写咗两、三个月,当时多伦多落紧雪,o依家写唔番意境。”

《雷克雅未克》歌词

主唱:麦浚龙 Feat. 周国贤

作曲:周国贤

填词:黄伟文

编曲:王双骏

监制:麦浚龙 / 王双骏

还请你兑现约定飞到为我破冰

置身冰岛名胜杀不死依存症

前尘埋没那段情约誓残念却没有清

而你有讲过来年再续旧场景

冒雪独自踏故城北欧式配乐灵动而冷静