王敏德王敏奕 父女档演飞虎 “阿菲”王敏奕赞老豆王敏德温柔!
王敏奕(Venus)同王敏德(Michael),于《飞虎之潜行极战》中饰演父女,同时都是飞虎队员,两人日前于中环接受访问,双王连中文名字相当相似,Michael话得悉名字如此有趣,经常将此挂在嘴边,王敏奕话:「Michael中文唔系好肋,佢知道之后觉得好好笑,话我做乜唔早啲讲。
」Michael当王敏奕系自己女儿,Venus于其中一次拍摄时不慎撞伤头,要救护车即时送院,令Michael非常担心,Michael话:「我见Venus郁唔到,好担心,我的拍戏唔应该咁辛苦。」
剧中演父女,但王敏奕就笑指二人关系似父子,Venus话:「我同男仔冇分别,要做飞虎队好难,要特训再考先入到,爸爸身为飞虎大sir,好担心我是否可以,观众会惊讶佢系一个好温柔嘅阿爸。」
Venus喺一场动作戏中不慎撞伤头,佢话:「场戏讲我要跌,点样拍到跌而令自己唔撞伤系唔容易,可能当日拍得太长时间,到最尾先跌,跌完晕晕地,个头肿左同郁唔到,要即刻召救护车。」Venus表示,唔会怕左拍动作戏,只系惊拖慢拍摄进度,武指睇过决定一take pass。
Venus觉得拍动作戏受伤好正常,不过自己锺意郁,想向动作方向发展:「男友冇俾意见,可能大家拍戏都知道,拍动作片冇跌亲都唔系拍动作片,现场好多武师帮手,安全系第一,如果有都希望再尝试动作戏,乜都会拍。」
究竟动作戏有乜咁吸引?Venus体验过讲得好有说服力:「动作戏好玩刺激,现实生活中系唔会发生,戏里面有得开真枪,又喺1:1嘅直升机跳落嚟,非常刺激好玩。Michael揸直升机载我的,大家合作好开心,Michael好想与时并进,唔似同一个高高在上嘅前辈合作,可以喺佢身上学到野,佢又会问我一啲我知嘅野。」
王敏德就大讚王敏奕,Michael话:「第一次见面,佢好平易近人,工作时睇到佢畀好多心机,应付动作唔易,但佢乜都可以做晒。未见过咁靓嘅飞虎女,佢应付到所有动作,见佢拍完其中一场戏撞到受伤,我好关心佢。我的好似喺同一个家庭相处,我系王敏德,佢系王敏奕,好似自己个女,我同自己两个女都好好朋友,关系好易沟通。
」王敏德现在较少演出,佢话:「之后会多啲,今年会拍剧古装剧,而我喺直升机公司一个月有15日要揸直升机,公司会尽量配合我演出工作。」
