倪惠英粤曲 广东粤剧粤曲《花田错会》倪惠英、梁玉嵘

耳邊忽聽人喧噪,驚覺前營係散楚歌,觸起我英雄難把女助,唯有仰天長嘆你話奈誰何,記得夜宴鴻門係我當日錯,辜負了亞父咁忠良佢擊碎玉珂,可恨詭計陳平將嫁禍,重更兼韓信與蕭何,畀佢明修棧道暗把陳倉過,致令我鞭長莫及怎去逞干戈,大將張秦又兵折楚,致令三秦連敗似東逝江河,今日被困孤城恨我兵馬墮,試問點能對陣再去逞干戈,你睇彭城九群更了旗號,就把鴻溝之地割去求和,今晚四圍困住就好似重重包裹,聽否蕭聲齊唱個首月華歌,一定係軍心含恨就離拋楚,亡秦三代功業一旦銷磨,今晚帳裏擔愁兼懊惱,令我倒豎鬚眉怒氣多,我苦對虞姬(王白:虞姬呀)真係愁悶坐,心如火,怨句蒼天唔憫我,致令江山難挽要捨卻嬌娥 乜話個陣虞姬聽罷,就嚇到膽落魂亡,我忍淚勸王何用得咁悲傷,有道話吉人自有咸亨象(姬白:主上呀),勝敗兵家也係尋常,我勸王暫且開懷抱,好待妾身為你擺上玉液瓊漿,我記得你話過飲一杯能解百悶,同你痛飲三杯就把萬慮也銷磿,記得妾伴聖君隨御駕,你記否烏騅常及妹既雕鞍,君呀你係百戰英雄試問誰係你敵手,何曾棄甲曳彊場,今日雖係逢難在故陵催戰下,好待帳前我再共主飲霞觴,明日好去沉舟來破斧,又何愁三鼓不復咸陽 個陣霸王聽罷,就對虞姬講,悶酒翻來會碎我膽肝,你都不須提起我當年事,講起我往日既英雄我重更斷腸,想我興兵年十八,重有八千子弟護我戎裝,記得七十陣交鋒未曾敗過一仗,就分明手段係我最高強,今日天公一旦要虧亡我,將我人心催散往何方,九里山前聽否孤鶴唳(王白:你睇下),你睇下四邊埋伏猶似鐵壁銅牆,一定係我項羽不該為帝主,所以自係范增亡後個的將服劉邦,我虛勞兩臂枉有移山力,枉有移山力,有誰知未曾滅漢我地楚先亡,自思糧盡兵微寡,雖欲殺出重圍想話脫禍殃,總係獨惜嬌妻柔弱質,嬌妻呀你係柔弱質,恐憂相顧阻你行藏,不若各人分手自去投生路(王白:你唔怕既),君前你可以獻媚佢一定惜紅妝,江山兩字我今日難相保,我難相保,所以出於無奈致有捨別妻房 個陣虞姬聽罷,不覺淚拋沙,聽聞君話真係咬碎銀牙,王呀自係奴奴當日歸你帳下,估話恩同山海疊重加,只望天長同樂耍,重話逍遙歌管樂繁華,記得玉手相攜隨御駕,我估今生緣聚在帝王家,與你朝遊鳳閣觀圖畫,咁就觀圖畫,晚倚龍樓看落霞,曾記扶我同上馬,當日金鞭敲落海棠花,征袍戰甲估你唔被掛,又估丈八蛇茅唔使手內拿,幸得功高王號霸,誠蒙恩寵呢個女嬌娃,願王一統歸華夏,添花錦上萬年華,誰望玉崩和解瓦,今日翻成秋水冷蒹葭,王呀拋棄奴奴你講得出無情話,我決無春衫重整另抱琵琶,王呀你待我厚恩豈有唔念掛,我係忠臣烈女死也無他,王呀你既然話唔帶妾身同去罷,咁我早在黃泉下,盡節在你跟前下,可以免王心事你為我亂如麻 個陣霸王聽罷,就不覺更傷悲,佢話妻呀誰無死別與生離,今日非係寡人想拋棄你,只為勢窮就無計共你再效于飛,你重聲聲盡節話要存終始,你話要存終始,恨我唔能攜帶妹呀共你馬上奔馳,只有堆成血淚如山積,似踏破蓮花遂馬蹄,我地帳前休講閑風月,等我共娘你題下一首斷腸詩(唱者停音樂白:力拔山兮氣蓋世),時不利兮追不逝,你話教人何忍兩分離,等我題罷淚痕施眼睇,又見龍泉三尺閃閃生輝,我欲將一劍把佢歸泉世,把佢歸泉世,試問幾番唔忍事覺難為,霸王抱劍又覺心頭翳,又到美人伶俐一見就知機,上前扯住王金帶,就將龍泉一手奪過在手中持,個陣項羽思前只得由妹意,任娘生死就詐唔知,此際項王就擰歪個面,虞姬抱劍淚如珠,長嘆一聲以後難伴主,覺今我係一個福薄娥媚,佢唯有盡節來報主,就將龍泉一劍割斷喉咽,一跤慣在塵埃地,慣在塵埃地,項王一見就吊膽肝離,好似百顆明珠一旦拋落水,千重嬌媚在我眼前低,英雄忍不住腮邊淚,我竟然低卻丈夫眉,見佢鳳眼一雙還未閉,重有香唇秀色尚如珠,玉碎珠沉人委地,佢既人委地,忍見羅衣尚帶血淋漓,等我割下玉容嬌首記,忙將黃土護嬌屍,卿你香魂艷魄此後埋芳塚,難捨香魂半掩泥,真係幾回寸斷肝腸肺,一聲妻呀兩相依,願你英靈隨我征車去,殺出重圍把脫離,妻呀你生前有恩王有義,莫話黃泉碧落就把情欺,生生死死我難離你,不過兵臨城下致兩分離,說罷蛇茅槍就舉,連忙踏上馬烏騅,沖天怒氣生三外,又聽金鼓碎,英雄偷抹淚,虧我項羽羞顏覺得無面歸期

香港最後一位瞽師-杜煥,杜煥被許為南音第一人,由四十年代至七十年代在香港電台演唱長篇南音,曾於義唱晚會演唱此曲,自彈箏,由何臣椰胡拍和。堪稱一絕。