王宗尧床戏《导火新闻线》床戏王宗尧和杨泣雨中湿吻

2017-09-14

字体:

大中小

浏览:

文章简介：男神王宗尧﹑梁小冰及杨泣嘅主演港视话题剧<导火新闻线>,王宗尧喺剧中饰演记者,性格不修边幅而且好喱啡,满脸鬚渣,又队酒兼锺意周围瞓.今日播出首集,剧情紧凑节奏明快,梁小冰饰演嘅恶总编「皇阿玛」Alma同博到尽记者方凝(周家怡)表现令人刮目相看,单单系开场一幕追车戏已经见到功力.至于「标题党」呢个「人狗交」题目,其实剧情系讲梁小冰用「人狗交」呢个「猛料」.取代左周家怡成team人搏命抢番嚟嘅放炸弹案做A1,为两人微妙关系留下伏线.喺港视发放嘅精华片段中,宗尧尽展角色喱啡一面,甚至喺副老总梁小冰面

男神王宗尧﹑梁小冰及杨泣嘅主演港视话题剧《导火新闻线》,王宗尧喺剧中饰演记者,性格不修边幅而且好喱啡,满脸鬚渣,又队酒兼锺意周围瞓。今日播出首集,剧情紧凑节奏明快,梁小冰饰演嘅恶总编「皇阿玛」Alma同博到尽记者方凝(周家怡)表现令人刮目相看,单单系开场一幕追车戏已经见到功力。

至于「标题党」呢个「人狗交」题目,其实剧情系讲梁小冰用「人狗交」呢个「猛料」、取代左周家怡成team人搏命抢番嚟嘅放炸弹案做A1,为两人微妙关系留下伏线。

喺港视发放嘅精华片段中,宗尧尽展角色喱啡一面,甚至喺副老总梁小冰面前拉裤链,又喺公司瞓觉揭起衫露晒点。剧中佢同杨泣雨中湿吻十秒,宗尧大讚呢幕好好睇:「呢场戏系我的喺雨中好浪漫嘅深情拥吻之后,延伸我的爱情发展嗰一刻,成个镜头拍摄非常好睇,虽然拍摄时候非常之辛苦。

」据知宗尧同杨泣拍呢场戏,系坚湿吻演出,宗尧就话:「同小泣拍呢一段雨中湿吻嘅时候,嗰时佢岩岩矫正紧啲牙,戴住个小小透明牙箍,佢有少少担心,但我觉得唔紧要,佢角色有呢个特质,可以keep住.

......因为我个角色比较『哩啡』,睇匀成个剧本我系得呢场戏可以型仔,既然导演度左落雨又要慢镜嘅时候,我就喺呢场戏里面叫到chok到尽。

」原来杨泣拍呢场戏时病到飞起,但宗尧抗体够劲,竟然冇被传染病倒,杨泣话:「我拍时咁岩病得好劲,病左个几礼拜,担心传染俾宗尧,但拍完之后佢冇事,龙精虎猛,好劲!」佢又话拍呢场湿吻戏时竟然觉得好笑:「有样野好好笑,就系喺雨中接吻,矮啲嗰个通常系女仔,其实系会饮晒啲水,跟住我每拍一个take,都好似饮左啲水喺个口度,cut左之后我就要『舌累』番出嚟,咁我成日feel sorry,惊宗尧觉得其实我系咪唔好锡呢?但唔系,其实好好锡嘅,系嗰啖水令我唔敢饮落去,因为始终唔系乾淨水嘛。