王浩信出轨 王浩信弟弟王玮彤 艺训班出局入行做男模:
入行10年的王浩信,由歌手开始慢慢挨,到今日受无线力捧做男一。32岁终于挨出头,原来王浩信有个细自己7年、25岁的细佬王玮彤(Tony),无论身高样貌同把声都同阿哥饼印一样。有个男一做大佬,搞到原本在美国读完Business的Tony都心郁郁入行,月前胆粗粗参加艺训班,可惜第二轮面试被foul出局,无缘同阿哥做同事。
同大佬感情深厚,成日一齐饮茶做gym,不过王浩信唔想细佬靠关系入行,“阿哥好赞成我乜都试下,但叫我要靠自己,好似佢当年咁慢慢挨下!
” 收入未稳定的 Tony,现时仍与父母同住,一放假就会同哥哥一家饮茶食饭,两兄弟亦会倾通顶讲心事,关系好密切! 身高6呎2的王玮彤( Tony),外形跟王浩信有9成相似,两兄弟同样由美国读完大学回港,哥哥读设计、细佬则读商科。
珍姐都话似 毕业后回港试过做保险同银行,不过性格外向的王玮彤唔习惯朝9晚5刻板生活,见哥哥捞得掂,同家人商量后决定试一试。
钟意做戏的Tony,上月到无线面试艺训班,首轮已有多位高层在场做评审,当时戏剧制作总监兼王浩信伯乐曾励珍,一见Tony已经忍唔住话,“哗,乜你咁似王浩信嘅!”可惜最后都过唔到second-in,被foul出局!
好在Tony生得高大有型,做唔成艺员,亦可以向男模发展。现时唔少大牌如Lanc洀攀、 Michael Kors亦有揾佢出骚。 饼印兄弟 Tony同王浩信相差7年,但两兄弟感情好好冇代沟,哥哥每套电视剧,Tony都会煲晒每一集。
网上图片 大佬陪做gym 无线系阿哥地头都冇用,Tony话虽然大佬好支持佢入行,但就唔肯出面帮手拉关系,“我成日同哥哥倾偈,佢有同我讲当年最霉时系点样挨,可能佢都系一步一步挨上去嘅人,所以好想我靠自己努力同实力做到成绩!
” 唔打人情牌唔代表唔锡细佬,Tony话哥哥有介绍其他艺人朋友俾佢认识,“阿哥会带我见下佢啲朋友,好似黄长兴、袁伟豪等等,又会同我一齐做gym练大只。
佢话做呢行最紧要系有礼貌、对人好,千祈唔好当其他人系敌人,同行唔一定如敌国!”睇王浩信咁多年都冇乜是非,就知佢冇老点细佬啦! Tony今年8月参加内地相睇节目《非常完美》,被赞系来自香港的暖男。电视画面 Tony(左)曾为政府拍过有关零售的宣传片。网上图片 已签约Z model旗下的Tony(左),平时接落唔少job,早前就同王宗尧(右二)、伍家谦(右)一齐行骚。网上图片
