梁政珏婚礼 陈敏之 梁政珏 各自爆婚讯

2017-11-09
字体:
浏览:
文章简介:现年37岁.有索腿天后之称嘅陈敏之,同拍拖10年,经营灯饰生意嘅男友雷伟信(William)感情稳定兼屡传婚讯,日前更结伴同伍咏薇夫妇欣赏张

现年37岁、有索腿天后之称嘅陈敏之,同拍拖10年,经营灯饰生意嘅男友雷伟信(William)感情稳定兼屡传婚讯,日前更结伴同伍咏薇夫妇欣赏张智霖演唱会。

据悉两人会喺10月1日喺峇里结婚,事实上敏之同William拍拖初期,低调处理感情,专心发展事业,直到近年身体响出警号,先后因拍剧弄伤颈椎、跌断锁骨,接着佢又患上肾炎而令身体肥肿难分,幸有男友一直从旁支持,敏之才逐渐将恋情高调。

有报道消息称喺今年1月敏之嘅生日饭局上,William向敏之求婚成功,不过事后敏之否认此事,只称早已视男友为结婚对象,双方有共识于今年结婚,可能会去小岛享受阳光与海滩,总之形式一切从简。

虽然最近有传出敏之搭上无线监制做小三嘅绯闻,不过获男友William投以信任票,无损恋情,皆因男友已求婚成功。

向敏之求证此事,佢喺电话上说:“好假呀,边个咁搞嘢呀?唔系囉!”追问婚礼详情,佢只系话:“差唔多喇,未有咁detail,好多嘢都未plan,仲要啲时间,如果我真系结婚会同大家讲,唔会结完婚先公布。”佢称婚礼多数会喺外地进行,但会否喺今年内举行,则要视乎情况,至于男友是否已经向她求婚?佢就甜丝丝咁话:“秘密,畀返啲神秘感我哋喇!”

另外,被视为新一代“咪神”的梁政珏,自从年多前与潮牌老板兼设计师男友Eric Chu甩拖后,不久便火速结识“北海道牧场餐厅”老板何思源(John),虽然两人拍拖只有一年多,梁政珏坦言已视男友为结婚对象,仲自爆男友曾两度向佢求婚,只因未有鲜花和戒指,所以迟迟未肯答允,不过sweet到爆嘅梁政珏,经常喺微博大晒与男友的合照,可见佢哋真系恋得火热。

据知John已经成功向梁政珏求婚成功,更送上一只5卡的蓝宝石戒指作为订婚礼物,梁政珏将如愿成为马年新娘,佢计划先与双方父母同亲友举行晚宴,接着再设宴招待一班朋友,方便佢哋尽情狂欢。不过目前最令佢感头痛,就是未揾到合适嘅场地,所以仍在烦恼中。

向梁政珏求证此事,佢语带轻松地话:“o依家喺度筹备紧,详情唔方便讲太多!”

有“索腿天后”之称的陈敏之(左)与新一代“咪神”梁政珏(右)分别传出婚讯!