[140618新报]洪永城黃翠如繼續冤家

2017-06-06
字体:
大中小
浏览:
文章简介：黃翠如與洪永城以情侶檔合作,駕輕就熟.   黃翠如由有線電線娛樂新聞台主播轉投無綫電視兩年,發展理想,一劇接一劇,更憑<走過浮華大地>旅遊節目,與有線舊戰友洪永

黃翠如與洪永城以情侶檔合作,駕輕就熟。   

黃翠如由有線電線娛樂新聞台主播轉投無綫電視兩年,發展理想,一劇接一劇,更憑《走過浮華大地》旅遊節目,與有線舊戰友洪永城同獲「最佳節目主持」,雙雙受重用,並塑造成對情侶拍檔。    

直到拍完《走過足球聖地》,最近出現了蕭正楠的名字,黃翠如成為了追訪對象,曾幾何時,做過娛樂新聞記者的她,追訪別人的新聞做得多,易地而處時,就明白訪者與被訪者的為難,當自己成為眾矢之的時,黃翠如面對傳媒,就只能以「不回應」作回應,更紅着眼睛頻說:「對唔住 。」

與她傳過緋聞的「好兄弟」洪永城就患難見真情,想跟黃翠如解圍,追着記者說:「你哋問我啦,我至係佢緋聞男友,我好傷心囉。」但洪永城想「拿屎上身」都冇可能,只能說:「佢哋又真係郎才女貌嘅。」被人取笑他是愈幫愈忙。  

足球聖地漫遊兩月   

《走過足球聖地》推出後,黃翠如與洪永城又要夥拍做情侶齊接受訪問,兩人之間出現「第三者」,開始被發覺兩人果然唔夾。黃翠如穿着如純情玉女,黑白配搭,洪永城就穿上紅色球衣。

講到足球,洪永城開始興奮說:「拍《走過足球聖地》,我哋去過巴西、烏拉圭、阿根廷、英國、意大利、西班牙六個足球聖地,我同黃翠如去咗兩個月。我覺得有收穫,我識睇波後,多咗好多朋友,佢(黃翠如)就真唔掂,依家仲未知乜嘢係越位。」  

翠如心口有個勇字   

黃翠如說:「有冇睇第一集呀?(冇)佢一開始就鬧我,睇唔到唔緊要,仲有好多集鬧。」 「你兩個搞掂啲關係未呀?想繼續做番情侶檔,定想做歡喜冤家?」記者再問洪永城:「好明顯,黃翠如已經唔係你杯茶?」 他說:「我應該係佢啲親戚,大姑媽、姨媽個種,佢肯定唔係我杯茶,佢好粗心大意,冇啲溫柔,拍節目,行到邊,大家都未決定下一步點行好,佢聽到差不多,突然就拍晒心口,話:『好!

就咁』跟住孭住個背囊,一馬當先行咗去,我腦海裏有個畫面:佢件衫個心口係咪應該有個勇字呢?」  

日哦夜哦似天鵝   

黃翠如說:「我又唔識踢波,點知乜嘢叫越位啫,我冇錯係個好粗心大意嘅人,我覺等佢係我好姊妹,佢當我係好兄弟,姨媽都啱,佢好煩,同我講一樣嘢,我冇做到,佢不厭其煩重覆三、四次,煩過我阿媽,似足黑白天鵝,日哦,夜哦,不過,我又衰嘅,我哋識咗好耐,完全知道佢喜好,佢唔食得蝦、海鮮,因會敏感,我唔記得,成日要去食海鮮,搞到佢冇啖好食,所以成日畀佢鬧。

」如此看來,兩人絕對不會是對情侶,只能做對最佳拍檔或是歡喜冤家。