敖嘉年北上 敖嘉年唔做大台「亲生仔」 北上挖金赚人仔
摘要:39岁嘅敖嘉年,今日就有报导爆话佢同相恋16年嘅圈外女友结婚,展开人生新嘅一页,唔知係咪为咗养妻,佢仲做咗另一个重大决定,就係决定离开效力15年嘅大台,北上搵人仔。效力大台15年嘅敖嘉年,发展机会不多,直至09年,佢终于凭《巾帼枭雄》裏面嘅「蒋必文」弹起,当年仲係台庆攞埋个「飞跃进步男艺员」添,之后就一剧接一剧,係大台人o依家闹小生花旦荒之际,其实係一个好好嘅上位机会,但係敖嘉年就选择咗离开呢个熟… 39岁嘅敖嘉年,今日就有报导爆话佢同相恋16年嘅圈外女友结婚,展开人生新嘅一页,唔知係咪为咗养妻,佢仲做咗另一个重大决定,就係决定离开效力15年嘅大台,北上搵人仔。
效力大台15年嘅敖嘉年,发展机会不多,直至09年,佢终于凭《巾帼枭雄》裏面嘅「蒋必文」弹起,当年仲係台庆攞埋个「飞跃进步男艺员」添,之后就一剧接一剧,係大台人o依家闹小生花旦荒之际,其实係一个好好嘅上位机会,但係敖嘉年就选择咗离开呢个熟悉嘅工作环境,转到大陆挖金赚人仔。
周刊报导嘅消息人士话,敖嘉年近年剧接剧,都搵到餐食,本来都好满足嘅,不过佢去年就接咗大陆电影《盗墓笔记》,虽然戏中只係做配角,但片酬都有几十万,酬劳係佢喺大台一年都未必有咁多,所以佢先会决心唔做大台「亲生仔」,出去闯下喎!
其实大台都唔係无做嘢挽留佢架,话好似乐易玲、曾励珍同杜之克都有挽留过佢,最係佢同高层讲话改签一年拍一剧嘅部头合约。讲到婚事,敖嘉年今日喺电话度话﹕「都要俾番个承诺人哋,(点解咁低调,冇请圈中人?)唔需要高调啦,都冇理由要人哋去到加拿大咁达。
」咁生B大计?佢话﹕「真係未plan,随缘啦。」而佢亦承认会同大台转签部头约,佢话﹕「大陆同香港都会拍剧,暂时未谂住转行。」
