胡定欣八卦 八卦 | Fit到漏!胡定欣当街除衫 网民睇到眼凸!
TVB新剧《来自喵喵星的你》中田蕊妮扮猫咪足够话题性,点知好戏在后头,剧中饰演勇猛女警嘅胡定欣,为咗查案无所不用其极,除咗扮大肚捉贼,嚟紧仲会着上超性感马甲示人,myTV SUPER fb连续两日上载咗两段胡定欣喺剧中性感演出嘅绝密片段,睇到一班网民都话流晒鼻血。
第一段胡定欣先嚟唔知做咩系咁尖叫,仲伸隻手入去件衫度起势咁摷,摷摷吓仲除埋衫添。咦!点解胡定欣会着两个Bra嘅,唔通会舒服啲?原来呢个绝密片段,系嚟自星期二播出嘅第二集,剧情讲到胡定欣同上司蒋志光为咗捉拿花名「四脚蛇」嘅神偷,伪装成两公婆上产前练习班,好快「四脚蛇」就露出破绽,于是胡定欣就同「四脚蛇」展开追逐战,点知追到入后巷嘅时候,畀「四脚蛇」搵到一样犀利武器,一条活生生嘅真.
四脚蛇!佢仲好唔人道咁将条四脚蛇掉咗入胡定欣件衫入面,搞到喺剧入面好惊小动物嘅胡定欣即刻投晒降,电视播到呢度就完咗。
而胡定欣之后点做,再喺绝密片段度交代番。首先佢伸隻手入件衫度想捉番隻四脚蛇出嚟。但系胡定欣捉极都捉唔到,唯有除左出面件衫,淨番个Bra,头先都讲过定欣扮紧大肚婆上产前练习班,为左营造丰富嘅身材所以咪带两个Bra萝。胡定欣除淨个Sport bra系咁跳,网民就留言话自己对眼都跟住佢系咁跳,仲有网民话胡定欣身材咁好,使乜带两个bra呀!至于呢条片系点流出嘅呢?咪就系走甩左嘅神偷「四脚蛇」偷拍㗎萝。
第二条片一开始胡定欣就用「喵喵星话」唱咗段音乐,本来都冇咩特别,突然镜头一转胡定欣就喺间房度试衫照镜,佢攞住件黑色超性感连身马甲,佢话:「点着呀?」之后佢自信番晒嚟,佢仲自讚:「我前凸后翘,又有长腿,怕咩呀!
」果然胡定欣就换咗套衫出嚟,不过佢就闪闪缩缩咁捉实件外套,惊人睇蚀咁。点知镜头左面突然杀左四个妙龄女郎出嚟,仲对住胡定欣笑添!激到胡定欣即刻豁出去,鬆开外套挺胸收腹,大骚事业线加黑丝长腿,睇到网民眼都凸埋,劲讚胡定欣真人不露相,一啲都唔输蚀畀嗰四个后生女!
另外,有网友留意到剧中蒋志光饰演嘅史高拔,同2003年剧集《栋笃神探》蒋志光嘅角色一样叫史高拔,又一样系警察,不过03年史sir仲喺西九龙重案组A组嘅高级督察,13年后佢已经升左职做刑事侦缉科总督察,唔知莫探员又会唔会客串出场呢?
