曾国祥女友王敏奕 曾志偉幫兒子追女 王敏奕曾國祥九龍塘同居

原贴曾志偉幫兒子追女 王敏奕曾國祥九龍塘同居

曾志偉幫兒子追女 王敏奕曾國祥九龍塘同居 憑甜美外表,在無綫劇《女人俱樂部》飾演「翻版李麗珍」上位的王敏奕,早前自揭家住公屋窮身世,但自從搭上曾志偉大仔曾國祥,深得「未來老爺」歡心的她,上月正式入主男友位於九龍塘的千呎寓所,搬出公屋,又有曾志偉泵水照顧生活、安排工作,脫貧話咁易。

搭上曾志偉大仔曾國祥,王敏奕成功脫貧,生活質素「升呢」。 修心養性 其實王敏奕與曾國祥早於一○年拍攝電影《囡囡》時已互生好感,但當時男方有正印女友,加上感情生活七國咁亂,令王敏奕唔敢行多步。

直至去年,曾國祥回復單身,加上老豆曾志偉推波助瀾,才將王敏奕追到手。 「 Derek(曾國祥)以前好爛玩,加上佢係志偉個仔,大把女自動送上門。

但自從同咗 Venus(王敏奕)一齊之後,成個定晒,唔再蒲,放工第一時間撲返去陪女友食飯,志偉都睇得出個仔好鍾意呢個女仔,所以對 Venus有讚冇彈,當正人哋係新抱仔,連家庭聚會都預埋佢。

」 上月,王敏奕正式入主曾國祥位於九龍塘的僑園寓所,開始同居生活。 拍拖後,王敏奕深得「未來老爺」曾志偉歡心,打本捧她做電影女主角。 老爺關照 成功「馴服」曾國祥,王敏奕的生活水平亦大幅「升呢」。

出生內地的她,早前自揭一家四口屈住百呎公屋,身為長女的她,十六歲開始搵錢幫補家計,仲要照顧同母異父細佬。 以前月入得幾千蚊,多得電視劇《女人俱樂部》帶挈人氣,加上「未來老爺」關照,安排王敏奕拍電影做女主角。

「志偉成日同 Derek講,要對女朋友好啲,俾好嘅生活 Venus,而家兩個住埋九龍塘僑園,生活使費全部由 Derek負責,連自己揸開部寶馬都俾埋女友揸。」知情人說。 記者上前拍照,王敏奕嚇了一跳,以為男友撞車。

之後,曾國祥邊行邊摸住女友頭安撫。 當日,曾國祥先到屋企附近的洗衣鋪攞衫,之後再揸車載女友外出拍拖。 二人到達中環後分道揚鑣,王敏奕獨自 shopping。 公屋搬豪宅 上月正式搬入曾國祥位於九龍塘、現市值一千四百五十萬的千呎單位,正式展開中產同居生活。

早前兩個拍拖揸車出中環,曾國祥到髮型屋理髮,王敏奕則獨自 shopping等男友。約個半鐘後,二人會合前往攞車,轉場到銅鑼灣繼續拍拖。

到達利園停車場,記者上前影相,王敏奕當堂嚇一跳,更向男友表示:「嚇死我!我以為你撞到嘢(車)!」身旁的曾國祥摸一摸女友個頭安撫後,兩個便手拖手步行到加路連山道一間咖喱屋撐枱腳,飯後即揸車返回九龍塘愛巢。

王敏奕孖住另一「 M Club妹」陳嘉寶密密接 job,錢途無限。 近日王敏奕開工例牌揸住曾國祥的寶馬坐駕出入。 出身清貧家庭的王敏奕,曾自揭一家四口住百呎公屋,更要半工讀供養七歲細佬。

王敏奕在《女人俱樂部》中飾演「嫩版李麗珍」,成功搶鏡。 灰姑娘變少奶奶 女藝人拼命工作,始終唔及有張長期飯票在手,衣食下半世無憂。 楊愛瑾 Cookies出身的楊愛瑾( Miki),一向工作量不多,自 07年搭上永安集團太子爺郭永淳後,工作更加放慢腳步,但依然一身名牌、住月租三萬的半山千呎豪宅。

吳千語 父親在燒臘鋪斬叉燒,家境一般的吳千語,自從搭上林峯後即升價十倍,衣食住行由林峯一手包辦外,屋企人更由沙田第一城搬到月租九萬的堅尼地道豪宅,釣到金龜、全家富貴。

余思敏 鄭中基與阿 Sa宣布離婚後, 11年火速跟有線女主播余思敏先有後婚,有個金牌太子爺撐腰,余思敏即刻唔使撈,賠錢提早與有線解約,入住淺水灣大宅專心養胎,母憑女貴。