伍允龙钟嘉欣 钟嘉欣加拿大产女伍允龙唔敢打畀佢陈法拉新男友曝光

艺人梁烈唯前日公布太太佗住四个月大的B女,唯唯在访问中忆记起当日得知太太有喜的情景,他说:「有日拍戏拍到天昏地暗,返到屋企瞓觉,突然老婆叫醒我同佢去买野,当时我都觉得奇怪,问佢买乜,佢话买验孕棒,听完即刻弹起身着裤,即刻攞车匙就去!」

他坦言之前两公婆试了很多方法,但都不成功:「反而顺其自然、冇计算,冇乜压力下就成功咗!」最初他一直觉得太太是佗仔,因身边朋友都是生女:「生仔可以沟晒朋友啲女,不过依家唔得啦。」唯唯又表示从今开始要改掉许多坏习惯:「好似懒散,容易动气嘅性格,唔想传畀个女!」

谭咏麟「25岁」生日 大宴亲朋逼爆酒楼

年年「25岁」的谭咏麟(阿伦),寻日正日生日,人缘极好嘅阿伦,由上个月开始已经不停有好友为他庆祝生日,食咗N餐生日饭,又吹咗N个生日蛋糕,但佢早前透露受伤所以做唔到运动,大叹「冇入冇出」,怕肥嘅佢仲话要「做机」急救!

至于寻日阿伦生日点过呢?都系继续被「包围」咁过!阿伦喺微博上载多张庆生相,见佢喺一间酒楼入面摆左几围,大宴亲朋,当中有李克勤卢淑仪夫妇、名人邱子杰及老婆邱李茂琪、温拿队友陈友、锺镇涛(阿B)、狄波拉及鬍鬚KONG,当然唔少得阿伦母亲陈珍妮,而出名孝顺嘅阿伦,影相时畀妈咪企中间,唔知仲以为珍妮大寿呀!

唔敢打畀嘉欣 38岁伍允龙:我想成家

昨天盛传锺嘉欣已经正式荣升妈咪,而嘉欣旧爱伍允龙,则指之前曾与嘉欣方联络,问会否再打给嘉欣时,他谓:「等佢休息下先,我嘅好朋友安志杰都生咗个女,都识同小朋友相处。」

他坦言都想成家立室,但未遇到对象。谈到刘佩玥带他出席好友聚会,他即表示:「好多女仔朋友都带我去朋友聚会,唔系拍拖。(传传吓变真?)呢啲野唔知,依家只系好朋友。」

「女铁人」阿Sa病住顶硬上唔使抖

蔡卓研(阿Sa)近日忙于拍摄电影《原谅他77次》,昨日她在社交网上载一张倦容照,并留言:「Sick again(又病)!」用手抬头的阿Sa似乎病到眼肿肿,状甚激气,好友们及粉丝纷纷留言叮嘱她保重身体。据知阿Sa感冒不适,但公司同事形容她是「女铁人」,虽然病到得半条人命,但昨日依然顶硬上照开工。

郑欣宜觉得Wyman跟踪自己:佢好了解我

歌手郑欣宜(Joyce)最近推出新碟,讲到新碟有八首歌,当中差不多有一半都是黄伟文填词,对此她笑言:「佢畀咗个灵魂呢隻碟,我只系一个唱出嚟嘅工具,并唔系谂呢啲嘅人,黄伟文先系,每次佢作词都会hit中我发生嘅事,所以我觉得佢一定系跟踪我,偷听我发生咩事,冇可能佢咁了解我。

(有冇同佢深入倾偈?)又唔系真系好多咋,只系同佢食过4次饭,咁就有4首歌,哈哈!所以要同佢食多啲饭,佢真系好犀利,观察力好强。(点样多谢佢?)唔识呀,我淨系识要同佢食多几餐饭。」

陈法拉新男友曝光 与前法国靓仔外交官出游

陈法拉早前返港与黄子华演出一连35场的舞台剧《前度》,完成演出后,陈法拉表示9月1日就要回美国,继续修读为期4年的戏剧硕士课程,笑言这次舞台剧酬劳足够她交两年学费。

陈法拉3年前与薛世恒离婚,前夫一直未忘情求复合,但陈法拉不为所动,自己也一直未有新恋情曝光。离9月1日开学尚有一段时间,原来陈法拉未有第一时间回美国,而是先去欧洲游玩一下,其新男友亦在机场曝光,为了保护这棵爱苗,法拉在机场时刻意保持距离。

法拉新男友大有来头,哈佛大学毕业,热爱中国文化,能讲一口流利普通话,中文名叫司马诺,曾经做过数学老师,2006年时更担任法国驻日本外交官,主力分析中国及日本的金融行情,11年成为Prada美国CEO特别助理,12年创立制作网页同app的Bubble,业务更发展到台湾。

据知,热爱中国文化的司马诺,当他知道有朋友认识一位来自香港的女性,主动要求介绍。经过几次约会之下,两个就由朋友变恋人,这段恋情开始了半年时间左右。