袁伟豪女友岑杏贤 岑杏贤不满男友多女埋身 龚嘉欣乐瞳榜上有名

2018-02-10
字体:
大中小
浏览:
文章简介：啱啱同岑杏贤宣布分手嘅袁伟豪,分讯一出,就惹嚟唔少猜测,有传岑杏贤迫婚变迫「分」,亦有传因为袁伟豪异性缘太旺,加上又唔识避忌,所以咪搞到女友不满.继之前传袁伟豪

啱啱同岑杏贤宣布分手嘅袁伟豪,分讯一出,就惹嚟唔少猜测,有传岑杏贤迫婚变迫「分」,亦有传因为袁伟豪异性缘太旺,加上又唔识避忌,所以咪搞到女友不满。继之前传袁伟豪同黄智雯玩得太癫而搞到女友不满后,今日又有周刊话龚嘉欣同乐瞳係分手导火线。

袁伟豪同岑杏贤相恋三年,但原来岑杏贤心目中,一直都有一条刺,报道所讲嘅呢条刺就係龚嘉欣同乐瞳,有指袁伟豪同龚嘉欣合作拍摄剧集《师父明白了》时,男方已经好主动,试过约埋一齐学电单车,去完大马做嘢之后,返香港仲不时WhatsApp调情。

至于乐瞳,报道就咁讲乐瞳喺袁伟豪生日嘅时候,就主动买咗个蛋糕送去男方屋企一齐庆祝,结果搞到岑杏贤好唔开心,试过为咗呢件事同男友嘈交,但係袁伟豪觉得女友小事化大,仲话大家只係工作拍档喎!

呢两条刺一直埋喺岑杏贤个心入面,直至宣布分手嘅前一晚,袁伟豪同岑杏贤做完台庆活动之后,同咗高海宁、唐诗咏仲有洪永城等人去咗坑口宵夜,但係佢哋两个一直都冇乜交流兼面左左,报道仲话岑杏贤本来仲坐喺唐诗咏隔篱,直到洪永城到咗,岑杏贤先坐返埋去男友身边。

嗰餐饭虽然袁伟豪全程都对女友照顾有加,但係岑杏贤似乎就唔多领情,直到佢哋发现有记者影相,加上泰臣又不停製造搞笑气氛,情况先有啲好转。