苏丽珊游学修游学修捉到27只Pokémon 苏丽珊投诉不等我

2017-08-27

字体:

大中小

浏览:

文章简介：本身都系Pokémon迷嘅游学修,话自己一早已经喺iPhone download咗个game:「今日一开通就即刻玩,睇到你哋<苹果>嘅报道,即玩,已经捉咗27只,暂时最劲嗰只系『高超鸭』,由傻鸭进化,CP已经去到252,o依仲特登走咗落街周围捉,亦会尝试去踢馆打道场.」游学修话女朋友苏丽珊都有玩:「但佢应该开紧工,未知佢玩咗未.」喺游学修周街捉精灵期间,我哋就揾咗开紧工嘅苏丽珊嚟问吓,佢接受电话访问表示:「因为我今日朝早要开工,但突然11点,周围啲friend疯狂地send message畀我

本身都系Pokémon迷嘅游学修,话自己一早已经喺iPhone download咗个game:「今日一开通就即刻玩,睇到你哋《苹果》嘅报道,即玩,已经捉咗27只,暂时最劲嗰只系『高超鸭』,由傻鸭进化,CP已经去到252,o依仲特登走咗落街周围捉,亦会尝试去踢馆打道场。」游学修话女朋友苏丽珊都有玩:「但佢应该开紧工,未知佢玩咗未。」

喺游学修周街捉精灵期间,我哋就揾咗开紧工嘅苏丽珊嚟问吓,佢接受电话访问表示:「因为我今日朝早要开工,但突然11点,周围啲friend疯狂地send message畀我话有得玩,我即刻download咗,但出唔到去捉,原来有道具可以吸附近小精灵过嚟,所以我开咗道具捉咗几只囉,但未有得真系出去行住玩,非常期待之后有时间,真系可以出去周围捉小精灵。」

苏丽珊好快手已经捉咗3只精灵,仲将佢哋改晒做身边朋友嘅名,问到边只精灵改男友游学修嘅名?苏丽珊笑住话:「嗰只系霹雳弹嚟㗎,小智系咁掷霹雳弹出去,以为佢系精灵球,我觉得呢个寓意非常之好,我可以系咁掷游学修出去,掷到佢发脾气,同埋佢个样嬲爆爆,你唔觉得好似游学修咩?不过游学修同我讲:『呢只霹雳弹CP咁低,你就唔好改我个名啦。

』」系咪埋怨男友唔等埋你玩?苏丽珊话:「冇办法啦,因为佢期待咗好耐,但我今日要做嘢,迟吓先一齐玩啦。」