何雁诗好丑 连何雁诗都唔知!郑俊弘认曾有未婚妻

歌手何雁诗(Stephanie)爆出与郑俊弘(Fred)的绯闻后一直未有现身,今日将起行回到横店为新剧《天命》开工,预告将现身机场的她,吸引大批媒体守侯。而Stephanie于晚上六时半现身机场,同行更有绯闻男主角Fred,一对男女十指紧扣步入机场离境大堂,正式公开恋情!

含情脉脉冧望爱郎

二人齐齐按记者要求大方影合照,期间Stephanie表情sweet到爆,不时含情脉脉地望向Fred。Ferd率先就恋情作回应,他说:「知道近日发生左啲事情令到大家都担心,连我屋企人都好担心,所以我要出嚟回应。

我同Step一路系好好嘅朋友、关系,无论系音乐、人生上嘅观点都好相似,我同佢都经历过感情上唔开心嘅事,我哋有一齐支持大家,我的依家多左啲工作机会,但系我一直都对感情好低调,所以之前段感情系冇人知,甚至阿Step都唔知,但系嗰段感情已经终结左,点解唔提系因为想保护同尊重番对方。」

问到是否藉拖手现身承认恋情?Fred说:「我知呢方面处理得唔好,所以我想多谢Step,多谢佢呢段时间嘅支持、爱护同信任。(认讲大话?)我哋呢段感情系岩岩开始,想珍惜同保护依段感情,所以我哋选择唔公开,希望大家体谅。(拍拖几耐?)因为寻晚一个报道,我要出嚟同大家澄清,我一定要保护阿Step,一定要去承认呢件事。」

恋情岩岩开始

再问到拍拖几耐?Stephanie表示:「时间唔讲喇!」Fred则说:「希望大家畀空间同祝福我哋!希望有段好美丽嘅关系。」问到是否同居,Stephanie否认。Fred被指是世纪贱男,他说:「呢啲唔回应喇!

」讲到齐齐睇村屋,Stephanie承认有一齐睇:「冇谂咁远萝,畀多少少支持我哋,特别系畀多少少支持郑俊弘,因为佢好辛苦、好大压力,希望我唔喺香港时大家帮手睇住佢啦!(开始拍拖时有否与男方上段感情重叠?)唔会。(上一段感情结束先开始?)冇错。」

护爱苗先讲大话

问会否担心形象受影响,被指大话精?Fred说:「因为系想保护感情,所以低调处理。(觉得疏忽左触发前女友?)呢啲唔讲喇!(担心前女友再爆?)一定要企出嚟讲。」问到老板何哲图知你的拍拖?Stephanie表示:「知,大话精呢样野,我哋承认呢几日讲左误导大家嘅野,去保护呢段关系,以为咁系最好,今日企出嚟澄清,都系勇敢嘅一步。

」问会否担心影响星途?Fred说:「呢一排粉丝都有支持我,希望一步步做番好。」问到Stephanie是否因恋情而推剧?她表示:「唔系,两件事嚟。(承受左好大压力?)当然会大压力,乜野艺人成日上新闻都会好大压力,我自己嘅病同拍剧冇关系。(病情加深?)病同呢段感情系完全冇关系。」

问Fred有否承诺好好照顾女方?身旁的何雁诗即时冧笑,Fred说:「未来嘅野未来先讲,我哋做好每一日。」问到对感情有信心?何雁诗说:「都有信心,冇信心都唔会今日企出嚟同大家讲。(边个追求先?)唔讲喇。」讲到有UBER发票,指感情已开始一段时间,何雁诗说:「唔记得,完全唔记得边日,我成日都帮人call车。」

临入闸望多Fred两眼

二人接受访问后,并肩步向离境禁区,期间记者要求二人拖手,何雁诗表示「好怕丑呀!」终于主动翘住Fred,问到Fred会否跟住去横店,他未有多做回应。二人同行期间再度十指紧扣拖手,记者见状要求影拖手合照,问老板何哲图知否二人出来讲恋情?何雁诗点头表示已通知对方,讲到何否认二人拍拖?Stephanie表示:「佢都系今日先知,(老板都唉!

)我哋收得好埋。」 去到禁区附近,何雁诗突然问「喺边度呀?」,被笑指眼中只有男友,记者更叫二人GOODBYE KISS,二人尴尬傻笑,最后女方带住行李入禁区,分开前再度转头望向男友。