曼城球场获准扩建容量6 2万仅次红魔

2017-07-19
字体:
浏览:
文章简介:曼城主场扩建计划获得当局批准,将会增加多14,500个座位,预计到2015至16年球季时可以容纳62,170名观众,超越阿仙奴嘅酋长球场,成

曼城主场扩建计划获得当局批准,将会增加多14,500个座位,预计到2015至16年球季时可以容纳62,170名观众,超越阿仙奴嘅酋长球场,成为英超第2大球场,仅次于同市死敌曼联嘅奥脱福球场。而球场扩建后,相信可以增加门票收入及改善财政状况,有助避免违反欧洲足协嘅「财政公平原则」。

19年一次嘅情人节加元宵节成为中、西恋人大事件,欧洲球会就齐齐出招抢客,当中以比甲球队华雷根最爆,佢哋推出「与比利时小姐拍拖睇波」活动,成为当地单身男士福音,令球会声名大噪。至于英伦球会就趁大时大节搵真银,韦斯咸买波衫免费印「LUV U」,富豪球会车路士及曼城嘅招牌内衣同样成为热卖产品,坚识做生意!

华雷根呢次活动最大卖点当然係女主角云迪维迪啦!呢位靓女係2000年比利时小姐冠军,依家芳龄35岁,年纪係大咗啲,但保养得宜仍非常省镜,同时佢拍过唔少性感照,係当地宅男心目中嘅女神。今次云迪维迪为华雷根抛个身出嚟做一日女友,唔少球迷都排住队争住同靓女约会,幸运儿可于下次主场联赛对布鲁日舒高一战同佢拍拖观战。

大家咪以为睇波好斋啊,淨係睇C朗同伊莲娜平时边睇波边咀嘴就知睇波可以做好多嘢啦,凼唔凼得掂靓女就睇嗰位仁兄够唔够charm喇!

买锤仔波衫送「LUV U」印字

华雷根藉住情人节扬名,英超球会就获利,其中韦斯咸力谷波衫销量,凡购买价值49.99镑(约648港元)嘅球衣,即可获得免费印字优惠,畀情人们于波衫印上「LUV U」,若然另一半係「锤仔帮」粉丝,收到呢位礼物实冧死!曼城同车仔亦推出性感内衣系列畀Fans选购,后者搵咗个靓靓模特儿亲身示范,难怪成为热卖货品。纽卡素就有情人节大餐,由球会主厨主理,每位盛惠35镑(约454港元),价钱肯定比香港合理囉!